Кыргыз Республикасынын Илим, жогорку билим берүү жана инновациялар министрлиги Академиялык инновациялык фондунун (АИФ) гранттарына сынак жарыялайт,«Жогорку билим берүүдөгү сапат жана инновациялар» долбоорунун алкагында Академиялык инновациялык фондунун (АИФ) гранттарын берүү боюнча конкурстун эки,Кыргыз Республикасынын Илим, жогорку билим берүү жана инновациялар министрлиги Академиялык инновациялык фондунун (АИФ) гранттарына сынак жарыялайт,

«Жогорку билим берүүдөгү сапат жана инновациялар» долбоорунун алкагында Академиялык инновациялык фондунун (АИФ) гранттарын берүү боюнча конкурстун экинчи айлампасы жарыяланат.

Бул гранттык конкурстун алкагында жогорку окуу жайлардын изилдөөчүлүк потенциалын жогорулатууга, университеттердин өз ара жана экономиканын тиешелүү тармактары менен кызматташуусун бекемдөөгө багытталган инновациялык, академиялык жана изилдөөчү долбоорлор каржыланат.

«Жогорку билим берүүдөгү сапат жана инновациялар» долбоору Кыргыз Республикасындагы жогорку окуу жайларда изилдөөлөрдү жана инновацияларды өнүктүрүү аркылуу жогорку билим берүүнүн сапатын жогорулатууга багытталган.

Долбоор өзгөчө статуска ээ болгон беш университеттин базасында Изилдөө жана инновациялар борборлорун (ИИБ) түзүү, экономиканын артыкчылыктуу тармактарында университеттер аралык изилдөө иштерин колдоо үчүн Академиялык инновациялык фондду түзүү, ошондой эле жогорку окуу жайларда сапатты камсыз кылуу системаларын жана аккредитацияны жакшыртуу сыяктуу демилгелерди колдойт.

Академиялык инновациялык фонддун максаты – изилдөөлөрдү жүргүзүүгө жана академиялык өнүгүүгө грант берүү механизми аркылуу, менчигинин формасына жана ведомстволук баш ийүүсүнө карабастан, жогорку окуу жайлардын окутуучулары менен изилдөөчүлөрүнүн инновацияларды өнүктүрүүсүнө жана илимий-билим берүү потенциалын жогорулатууга көмөктөшүү.

· Гранттын максималдуу суммасы: 200 000 АКШ долларына чейин

· Долбоордун максималдуу узактыгы: 36 айга чейин

· Кажыланбай турган чыгымдар: курулуш иштери, окутуучуларга эмгек акы же жөлөкпул төлөө, студенттерге стипендия берүү, ошондой эле транспорт каражаттарын сатып алууга жол берилбейт. Долбоорго түздөн-түз байланышпаган бардык чыгымдарга катуу тыюу салынат.

Гранттык өтунмөлөргө коюлган негизги талаптар:

- 2025-жылдын 5-июнундагы Кыргыз Республикасынын Президентинин №178 Жарлыгы менен бекитилген Кыргыз Республикасынын 2030-жылга чейинки Улуттук өнүгүү программасында белгиленген өлкөнүн өнүгүүсүнүн артыкчылыктуу багыттарына шайкеш келүүсү;

- изилдөө долбоорун ишке ашыруу планынын жана / же билим берүү программасын академиялык өнүктүрүү боюнча чаралардын так жана негиздүү баяндалышы;

- чыныгы суроо-талаптын негизинде учурдагы академиялык программаларды модернизациялоо же жаңы академиялык программаларды түзүү (окутуунун толук цикли жана / же кыска мөөнөттүү курстар);

- окутуу процессине маалыматтык-коммуникациялык жана санариптик технологияларды интеграциялоо, тармактар аралык ыкмаларды колдонуу.

АИФ гранттык колдоосунан күтүлүүчү жыйынтыктар (ар бир долбоорго тиешелүү өзгөчө көрсөткүчтөрдөн тышкары):

1. Долбоордун жетишкендиктерин чагылдырган изилдөө продуктусун даярдоо же жүргүзүлгөн изилдөөлөрдүн жыйынтыктарын көрсөтүү.

2. Жаңы академиялык программаны иштеп чыгуу же учурдагы академиялык программаларды модернизациялоо жана жаңы программа түзүлгөн учурда лицензия алуу же белгиленген талаптарга ылайык аккредитациядан өтүү.

3. Академиялык билимди өнүктүрүүгө көмөктөшкөн тиешелүү изилдөө багыттары боюнча илимий макалаларды даярдоо жана жарыялоо.

4. Расмий ырасталган кызматташтык жөнүндө Меморандумдардын түзүлүшү менен башка жогорку окуу жайлар, ишканалар жана кызыктар тараптар менен жаңы өнөктөштүктөрдү түзүү жана кызматташтыкты орнотуу.

КИМДЕР ӨТҮНМӨ БЕРЕ АЛАТ

· Кыргыз Республикасынын мамлекеттик жана жеке университеттеринде бардык дисциплиналар боюнча иш алып барган окутуучулар жана изилдөөчүлөр.

· Бирдей упай алынган учурда: аялдар жетектеген долбоорлорго, студент кыздарды камтыган долбоорлорго, социалдык жактан аярлуу топтордун өкүлдөрүн жана ден соолугунун мүмкүнчүлүгү чектелген адамдарды тарткан долбоорлорго артыкчылык берилет.

Өтүнмөлөрдү тапшыруу жана консультация алуу үчүн байланыштар:

Электрондук почта: aifgrant2025@gmail.com

Кыргызстандын жогорку билим берүү тармагын өнүктүрүүгө өз салымыңызды кошуп, инновациялык идеяларыңызды ишке ашырууга болгон мүмкүнчүлүктү колдон чыгарбаңыз!

EGOV.KG

EGOV.KG