Кыргыз Республикасынын Тышкы иштер министрлигинин 2025-жылдын 31-декабрындагы маалыматтык билдирүүсү,Кыргыз Республикасынын Тышкы иштер министрлиги Кыргыз Республикасынын Министрлер Кабинетинин 2025-жылдын 31-декабрындагы чет элдик жарандардын Кыргыз ,Кыргыз Республикасынын Тышкы иштер министрлигинин 2025-жылдын 31-декабрындагы маалыматтык билдирүүсү,

Кыргыз Республикасынын Тышкы иштер министрлиги Кыргыз Республикасынын Министрлер Кабинетинин 2025-жылдын 31-декабрындагы чет элдик жарандардын Кыргыз Республикасынын аймагында жүрүү тартибине өзгөртүүлөрдү киргизген №855 токтому күчүнө киргенин кабарлайт.

Кабыл алынган токтом миграциялык процесстерди оптималдаштырууга жана иретке келтирүүгө, чет өлкөлүк жарандардын Кыргыз Республикасында жүрүү шарттарынын ачык-айкындуулугун жогорулатууга, ошондой эле улуттук мыйзамдарды мамлекеттик миграциялык саясаттын артыкчылыктуу милдеттерине шайкеш келтирүүгө багытталган.

Киргизилген өзгөртүүлөргө ылайык, төмөндө көрсөтүлгөн айрым чет өлкөлөрдүн жарандары Кыргыз Республикасынын аймагында визасыз тартипте, жүрүүгө укук берген документтерди тариздебестен, өлкөгө кирген учурдан тартып ар бир 60 күндүк мезгилдин ичинде жалпысы болуп 30 календардык күндөн ашпаган мөөнөттө жүрө алышат.

Белгиленген жүрүү мөөнөтү аяктагандан кийин чет өлкөлүк жарандар төмөнкүлөргө милдеттүү:

Кыргыз Республикасынын аймагынан чыгып кетүүгө, же
Кыргыз Республикасынын мыйзамдарына ылайык тиешелүү уруксат берүүчү документтерди (виза, жашап турууга уруксат, убактылуу жүрүүгө уруксат жана башка документтер) тариздөөгө.

Аталган өзгөртүүлөр чет өлкөлүк жарандардын кирүүсү жана жүрүүсү боюнча башка шарттарды караган эл аралык келишимдердин жана макулдашуулардын жоболоруна таасирин тийгизбейт, ошондой эле Кыргыз Республикасына эмгектик, билим берүү же атайын уруксат документтерин талап кылган башка ишмердүүлүктү жүзөгө ашыруу максатында кирген адамдарга колдонулбайт.

Кыргыз Республикасынын Тышкы иштер министрлиги чет өлкөлүк жарандарды жана кабыл алуучу тараптарды Кыргыз Республикасынын аймагында жүрүүнүн белгиленген мөөнөттөрүн сактоонун зарылдыгы тууралуу маалымдайт жана Кыргыз Республикасынын миграциялык мыйзамдарынын талаптарын сактоо максатында өлкөгө кирүүнү жана жүрүүнү пландаштырууда күчүнө кирген өзгөртүүлөрдү эске алууну сунуштайт.

1.   Австралия
2.   Австрия Республикасы
3.   Бельгия Королдугу
4.   Босния жана Герцеговина
5.   Ватикан
6.   Улуу Британия жана Түндүк Ирландия Бириккен Королдугу
7.   Венгрия
8.   Германия Федеративдик Республикасы
9.   Нидерланддар Королдугу
10.   Греция Республикасы
11.   Дания Королдугу
12.   Исландия
13.   Ирландия
14.   Испания Королдугу
15.   Италия Республикасы
16.   Канада
17.   Корея Республикасы
18.   Латвия Республикасы
19.   Литва Республикасы
20.   Лихтенштейн Княздыгы
21.   Люксембург Улуу Герцогдугу
22.   Мальта Республикасы
23.   Монако Княздыгы
24.   Жаңы Зеландия
25.   Норвегия Королдугу
26.   Польша Республикасы
27.   Португалия Республикасы
28.   Сингапур Республикасы
29.   Словакия Республикасы
30.   Словения Республикасы
31.   Америка Кошмо Штаттары
32.   Финляндия Республикасы
33.   Франция Республикасы
34.   Хорватия Республикасы
35.   Чехия Республикасы
36.   Швейцария Конфедерациясы
37.   Швеция Королдугу
38.   Эстония Республикасы
39.   Бруней-Даруссалам Мамлекети
40.   Япония
41.   Черногория
42.   Андорра Княздыгы
43.   Аргентина Республикасы
44.   Бразилия Федеративдүү Республикасы
45.   Сан-Марино Республикасы
46.   Чили Республикасы
47.   Албания Республикасы
48.   Болгария Республикасы
49.   Вьетнам Социалисттик Республикасы
50.   Израиль Мамлекети
51.   Кипр Республикасы
52.   Түндүк Македония Республикасы
53.   Румыния Республикасы
54.   Таиланд Королдугу
55.   Мексика Кошмо Штаттары

EGOV.KG

EGOV.KG