Министр Жээнбек Кулубаев АЛИФ фондунун Аткаруучу директору Валери Фрилан менен жолугушту,2026-жылдын 24-февралында Женева шаарында Кыргыз Республикасынын Тышкы иштер министри Жээнбек Кулубаев АЛИФ фондунун Аткаруучу директору Валери Фрилан,Министр Жээнбек Кулубаев АЛИФ фондунун Аткаруучу директору Валери Фрилан менен жолугушту,

2026-жылдын 24-февралында Женева шаарында Кыргыз Республикасынын Тышкы иштер министри Жээнбек Кулубаев АЛИФ фондунун Аткаруучу директору Валери Фрилан менен жолугушту.

Сүйлөшүүнүн жүрүшүндө тараптар Кыргызстан менен АЛИФ фондунун ортосунда маданий мурастарды сактоо жаатындагы кызматташтыктын учурдагы абалын жана келечегин талкуулашты.

Министр кыргыз тараптын Фонд менен өнөктөштүктү мындан ары кеңейтүүгө, эксперттик өз ара аракеттенүүнү чыңдоого жана маданий баалуулуктарды сактоо жаатындагы эл аралык тажрыйбаны тартууга кызыкдар экенин белгиледи. Өз кезегинде Фонддун Аткаруучу директору Кыргызстандагы долбоорлорду колдоону улантууга даяр экенин ырастады.

Жолугушууда маданий көп түрдүүлүктү илгерилетүү жана маданияттар аралык диалогду чыңдоо маселелерине өзгөчө көңүл бурулду. Бул багытта салттуу мурастарды жайылтууда уникалдуу аянтча болуп саналган эл аралык демилге – Дүйнөлүк көчмөндөр оюндарынын мааниси белгиленди.

Жолугушуунун жыйынтыгында тараптар пикир алмашуу өз ара пайдалуу кызматташтыкты өнүктүрүүгө кошумча түрткү берет деген ишенимин билдиришти.

EGOV.KG

EGOV.KG