МААЛЫМАТ ЧӨЙРӨСҮНДӨГҮ МАМЛЕКЕТТИК СОЦИАЛДЫК ЗАКАЗГА КОНКУРС ЖАРЫЯЛАНАТ,Кыргыз Республикасынын Министрлер Кабинетинин 2022-жылдын 4-ноябрындагы № 604 токтому менен бекитилген “Мамлекеттик социалдык заказдын алкагында к,МААЛЫМАТ ЧӨЙРӨСҮНДӨГҮ МАМЛЕКЕТТИК СОЦИАЛДЫК ЗАКАЗГА КОНКУРС ЖАРЫЯЛАНАТ,

Кыргыз Республикасынын Министрлер Кабинетинин 2022-жылдын 4-ноябрындагы № 604 токтому менен бекитилген “Мамлекеттик социалдык заказдын алкагында коомдук пайдалуу долбоорлордун конкурсун өткөрүү тартиби жөнүндө” Жобого ылайык, конкурс жарыяланууда.

Катышуучуларга коюлуучу талаптар:

1. Сынактын катышуучулары болуп төмөнкү талаптарга жооп берген коммерциялык эмес уюмдар (саясий партиялардан тышкары) эсептелет: алар ЖМК тармагында кеминде бир жылдык иш тажрыйбасына ээ болушу керек жана салыктар жана мамлекеттик социалдык камсыздандыруу боюнча камсыздандыруу төлөмдөрү боюнча карызы болбошу зарыл.

2. Конкурстун катышуучусу юридикалык жак катары катталууга жана өзүнүн банктык эсеби болууга тийиш. Эгерде конкурстун катышуучусунун банктык эсеби болбосо, анда ага конкурстун документтерин тапшырган күндөн тартып 10 календардык күндүн ичинде банктык эсеп ачууга мүмкүндүк берилет.

3. Бир нече коммерциялык эмес уюм келишимдик негизде долбоордук топту (мындан ары – консорциум) түзүп жана конкурска катышуу үчүн жалпы арызды жана долбоордук сунушту бере алат. Бул учурда арызда жана долбоордук сунушта уюмдар ортосундагы функциялар, бюджет, жоопкерчилик жана алардын ар биринин долбоорду жүзөгө ашыруудагы салымы ажыратылууга, ошондой эле коомдук пайдалуу долбоорлорго конкурстун катышуучусу катары консорциумдун атынан аракеттене турган консорциумдун мүчөсү аныкталууга тийиш.

4. Бир коммерциялык эмес уюм коомдук пайдалуу долбоорлорго конкурстун бир темасынын алкагында бир консорциумдун курамында гана катыша алат. Бир коммерциялык эмес уюм коомдук пайдалуу долбоорлорго конкурстун бир темасынын алкагында бир гана арыз бере алат.

Конкурска катышуу үчүн документтердин тизмеси:

1) коомдук пайдалуу долбоорду ишке ашыруу боюнча конкурска катышуу жөнүндө арыз;

2) юридикалык жакты мамлекеттик каттоо жөнүндө күбөлүктүн жана ЖМКнын каттоо тууралуу күбөлүгүнүн көчүрмөсү;

3) юридикалык жактын уставынын көчүрмөсү;

4) конкурстун темасы менен дал келген, жүзөгө ашырылган иш жагынан өткөн жыл үчүн (же, конкурстун катышуучусунун каалоосу боюнча, өткөн бир нече жыл үчүн) уюмдун ишинин баяндамасы;

5) конкурстун катышуучусунун коомдук пайдалуу долбоорлору боюнча карыздары жана башка милдеттенмелери жок экендиги жөнүндө арызы;

6) долбоордук сунуш жана анын бюджети.

Эскертүү: эгерде конкурска консорциум катышса, анда консорциумдун бардык мүчөлөрүнүн жогоруда көрсөтүлгөн 2-4 жана 5-пункттарында каралган документтери тиркелет.

Сынактын мөөнөттөрү:

Билдирмелерди кабыл алуунун башталышы: 2026-жылдын 17-апрели, саат 09:00дөн баштап.

Билдирмелерди кабыл алуунун аякташы: 2026-жылдын 12-майы, саат 18:00гө чейин.

Арыздарды жана документтерди жөнөтүү үчүн электрондук почта: mincult@mail.gov.kg

маалымат чөйрөсүндөгү мамлекеттик социалдык заказ темасын милдеттүү түрдө көрсөтүү шарт.

Бардык суроолор боюнча: 0312 663857 телефонуна кайрылыңыздар болот.

Көрсөтүлгөн бардык талаптар жана мөөнөттөр сакталган учурда гана конкурска катышууга мүмкүн.