ӨКМ ДЕЛЕГАЦИЯСЫ ЖЕНЕВАДА ЖАРАНДЫК КОРГОНУУ БОЮНЧА ЭЛ АРАЛЫК УЮМДУН АТКАРУУ КЕҢЕШИНИН 59-СЕССИЯСЫНА КАТЫШУУДА,Кыргыз Республикасынын Өзгөчө кырдаалдар министри Канатбек Чыныбаев баштаган делегация 2026-жылдын 27–28-октябрында Швейцариянын Женева шаарында өтүп ,ӨКМ ДЕЛЕГАЦИЯСЫ ЖЕНЕВАДА ЖАРАНДЫК КОРГОНУУ БОЮНЧА ЭЛ АРАЛЫК УЮМДУН АТКАРУУ КЕҢЕШИНИН 59-СЕССИЯСЫНА КАТЫШУУДА,

Кыргыз Республикасынын Өзгөчө кырдаалдар министри Канатбек Чыныбаев баштаган делегация 2026-жылдын 27–28-октябрында Швейцариянын Женева шаарында өтүп жаткан Жарандык коргонуу боюнча эл аралык уюмдун (ЖКЭУ) Аткаруу кеңешинин 59-сессиясына катышууда.

Сессиянын алкагында Бишкек шаарындагы ЖКЭУнун Регионалдык гуманитардык кеңсесинин ишмердүүлүгүн мындан ары өнүктүрүү жана натыйжалуулугун жогорулатуу маселелерине өзгөчө көңүл бурулууда. Кыргыз тарап кеңсенин мүмкүнчүлүктөрүн кеңейтүүнү, практикалык ишмердүүлүгүн активдештирүүнү, ошондой эле аймактык кызматташтыкты өнүктүрүүдөгү, жарандык коргонуу жаатындагы биргелешкен долбоорлорду ишке ашыруудагы жана инвестицияларды тартуудагы ролун күчөтүүнү жактайт.

Мындан тышкары, сессиянын жүрүшүндө ЖКЭУнун 2026–2031-жылдарга карата өнүктүрүү стратегиясын ишке ашыруу, эл аралык кызматташтыкты өркүндөтүү, окуу программаларын өнүктүрүү жана улуттук жарандык коргонуу кызматтарынын дараметин чыңдоо маселелери каралууда.

Кыргыз Республикасынын ЖКЭУнун Аткаруу кеңешинин ишине катышуусу өлкөнүн эл аралык жана аймактык кызматташтыкты чыңдоого, биргелешкен демилгелерди илгерилетүүгө, ошондой эле өзгөчө кырдаалдардын алдын алуу жана кесепеттерин жоюу жаатындагы өз ара аракеттенүүнүн натыйжалуулугун жогорулатууга болгон умтулуусун тастыктайт.

КР ӨКМ ПРЕСС-БОРБОРУ