Финансы министрлигинде демилгелүү бюджеттөөнү өнүктүрүү боюнча семинардын экинчи бөлүгү өттү,2026-жылдын 4-ноябрында Кыргыз Республикасынын Финансы министрлигинде «Онлайн жана офлайн форматтарда жарандар менен өз ара аракеттенүүнүн жаңы тажрый,Финансы министрлигинде демилгелүү бюджеттөөнү өнүктүрүү боюнча семинардын экинчи бөлүгү өттү,

2026-жылдын 4-ноябрында Кыргыз Республикасынын Финансы министрлигинде «Онлайн жана офлайн форматтарда жарандар менен өз ара аракеттенүүнүн жаңы тажрыйбалары: демилгелүү бюджеттөө» темасындагы окутуу семинарынын экинчи бөлүгү болуп өттү.

Семинардын ачылышында Кыргыз Республикасынын Финансы министри Руслан Суйналиев сөз сүйлөдү. Ал жарандарды бюджеттик процесске тартуунун, жергиликтүү демилгелерди колдоонун жана демилгелүү бюджеттөө механизмдерин өнүктүрүүнүн маанилүүлүгүн белгиледи.

Иш-чарага Финансы министрлигинин аймактар аралык жана аймактык башкармалыктарынын жетекчилери, ошондой эле Россия Федерациясынын Финансы министрлигине караштуу Финансылык изилдөөлөр илимий-изилдөө институтунун (НИФИ) эксперттери катышты.

Россиялык эксперттер демилгелүү бюджеттөөнү уюштуруунун практикалык тажрыйбасы жана заманбап ыкмалары менен бөлүшүштү.

Тактап айтканда, Демилгелүү бюджеттөө борборунун жетекчиси Владимир Вагин КМШ өлкөлөрүндө демилгелүү бюджеттөөнү өнүктүрүүдөгү актуалдуу чакырыктар тууралуу айтып берди.

«Демилгелүү бюджеттөө боюнча консультанттар альянсы» автономдуу коммерциялык эмес уюмунун директору Михаил Шевелёв жарандар менен өз ара аракеттенүү жана демилгелүү долбоорлорду ишке ашыруу ыкмаларын тааныштырды.

Мамлекеттик программалардагы демилгелүү бюджеттөө дирекциясынын жетекчиси Дмитрий Шатохин студенттерди жана жаштарды бюджеттик процесске тартуу мүмкүнчүлүктөрүнө токтолду.

Ал эми Демилгелүү бюджеттөө борборунун улук илимий кызматкери Наталья Шаповалова аталган долбоорлордун өнүгүшүнө мониторинг жүргүзүү жана натыйжаларын баалоо маселелерин чагылдырды.

Семинардын жүрүшүндө катышуучулар калк менен өз ара аракеттенүү механизмдерин, жаштарды бюджеттик процесске тартуу жолдорун, ошондой эле Кыргыз Республикасынын аймактарында пилоттук долбоорлорду ишке ашыруу тажрыйбасын талкуулашты.

Өзгөчө көңүл Талас шаарындагы Жарандардын демилгелерин колдоо фондунун ишмердүүлүгүнө, Өзгөн районунун Мырза-Аке айыл аймагындагы жаштардын жана мектеп окуучуларынын демилгелерин колдоого, ошондой эле Кочкор-Ата шаарында жергиликтүү бюджеттин эсебинен жарандык долбоорлорду каржылоо тажрыйбасына бурулду.

Жыйынтыктоочу сөзүндө Руслан Суйналиев эл аралык тажрыйбаны үйрөнүүнүн жана аны Кыргыз Республикасынын шарттарына ылайыкташтыруунун маанилүүлүгүн белгиледи.

Семинар кыргызстандык жана россиялык эксперттердин ортосунда тажрыйба алмашуу жана демилгелүү бюджеттөөнүн механизмдерин өркүндөтүү боюнча мындан аркы кадамдарды талкуулоо үчүн маанилүү аянтча болду.

Иш-чаранын жүрүшүндө алынган билимдер жана сунушталган тажрыйбалар жарандардын бюджеттик каражаттарды бөлүштүрүү процессине катышуусун кеңейтүүгө жана жергиликтүү демилгелерди колдоого өбөлгө түзөт.