Элчи Айбек Молдогазиев Монголиянын Чакан жана орто ишкердикти өнүктүрүү агенттигинин директору Ядамсүрэн Эрдэнэсайхан менен жолугушуу өткөрдү,Кыргыз Республикасынын Монголиядагы Атайын жана Ыйгарым укуктуу Элчиси Айбек Молдогазиев Монголиянын Чакан жана орто ишкердикти өнүктүрүү агенттигинин,Элчи Айбек Молдогазиев Монголиянын Чакан жана орто ишкердикти өнүктүрүү агенттигинин директору Ядамсүрэн Эрдэнэсайхан менен жолугушуу өткөрдү,

Кыргыз Республикасынын Монголиядагы Атайын жана Ыйгарым укуктуу Элчиси Айбек Молдогазиев Монголиянын Чакан жана орто ишкердикти өнүктүрүү агенттигинин директору Ядамсүрэн Эрдэнэсайхан менен жолугушуу өткөрдү.

Жолугушуунун жүрүшүндө тараптар кыргыз-монгол соода-экономикалык кызматташтыгын кеңейтүү, чакан жана орто ишкердикти өнүктүрүү, эки өлкөнүн ишкерлеринин ортосунда түз ишкердик байланыштарды түзүү, ошондой эле өндүрүштүк кооперация чөйрөсүндө биргелешкен долбоорлорду ишке ашыруу маселелерин талкуулашты.

2026-жылдын 22-июлунда Евразия экономикалык бирлиги менен Монголиянын ортосундагы Убактылуу соода келишиминин күчүнө киришине байланыштуу өз ара сооданы өнүктүрүү үчүн түзүлгөн жаңы мүмкүнчүлүктөргө өзгөчө көңүл бурулду. Бул контекстте эки өлкөнүн ишкерлеринин тарифтик жеңилдиктер, продукцияны сертификациялоого карата талаптар, товарлардын келип чыгышын аныктоо эрежелери жана бажы жол-жоболору тууралуу маалымдуулугун жогорулатуунун маанилүүлүгү белгиленди.

Тараптар ошондой эле жеңил жана тамак-аш өнөр жайында, айыл чарба продукциясын кайра иштетүү тармагында өндүрүштүк кооперацияны өнүктүрүүнүн келечегин, анын ичинде Кыргызстандын тигүү ишканалары менен Монголиянын жүн, кашемир жана текстиль сырьёсунун башка түрлөрүн өндүрүүчүлөрүнүн ортосунда кызматташтыкты жолго коюу мүмкүнчүлүктөрүн карап чыгышты.

Сүйлөшүүлөрдүн жүрүшүндө 2026-жылдын 20–25-ноябрында Бишкек шаарында өткөрүлүшү пландалган «Монголия күндөрү – Бишкек 2026» иш-чарасына даярдык көрүү маселелери да талкууланды. Аталган иш-чаранын алкагында бизнес-форум, монгол өндүрүүчүлөрүнүн продукцияларынын көргөзмөсү жана эки тараптуу ишкердик жолугушууларды өткөрүү каралган.

Жолугушуунун жыйынтыгында тараптар өз ара сооданы кеңейтүүгө, өндүрүштүк байланыштарды чыңдоого жана чакан жана орто ишкердик чөйрөсүндө биргелешкен демилгелерди ишке ашырууга багытталган Кыргызстандын жана Монголиянын тиешелүү түзүмдөрү менен ишкер чөйрөлөрүнүн ортосундагы кызматташтыкты мындан ары өнүктүрүүгө кызыкдар экендиктерин билдиришти.