Министрдин орун басары Медер Абакиров ЮНИДОнун башкы директорунун орун басары Марина Понти менен жолугушуу өткөрдү,2026-жылдын 3-ноябрында Кыргыз Республикасынын Тышкы иштер министринин орун басары Медер Абакиров Бириккен Улуттар Уюмунун Өнөр жайды өнүктүрүү уюмуну,Министрдин орун басары Медер Абакиров ЮНИДОнун башкы директорунун орун басары Марина Понти менен жолугушуу өткөрдү,

2026-жылдын 3-ноябрында Кыргыз Республикасынын Тышкы иштер министринин орун басары Медер Абакиров Бириккен Улуттар Уюмунун Өнөр жайды өнүктүрүү уюмунун (ЮНИДО) башкы директорунун орун басары Марина Понти менен жолугушту.

Жолугушуунун жүрүшүндө тараптар Кыргыз Республикасы менен ЮНИДОнун ортосундагы кызматташтыкты өнүктүрүүнүн актуалдуу маселелерин талкуулап, Өлкөлүк өнөктөштүк программасын ишке ашырууга, эл аралык инвестицияларды тартууга, өнөр жай секторун модернизациялоого жана биргелешкен долбоордук демилгелерди алга жылдырууга өзгөчө көңүл бурушту.

Жолугушууда 2026-жылдын 5-ноябрында Бишкек шаарында өтө турган Региондук өнөр жай форумуна жана аны Кыргыз Республикасынын инвестициялык потенциалын тааныштыруу, жаңы өнөктөштүк байланыштарды түзүү, потенциалдуу донорлорду жана инвесторлорду тартуу, ошондой эле артыкчылыктуу долбоорлорду ишке ашыруунун конкреттүү механизмдерин аныктоо үчүн натыйжалуу аянтча катары пайдалануунун маанилүүлүгүнө өзгөчө көңүл бурулду.

Жолугушуунун жыйынтыгында өлкөнүн туруктуу экономикалык жана өнөр жайлык өнүгүү кызыкчылыгында артыкчылыктуу долбоордук демилгелерди алдыга жылдыруу жана аларды практикалык ишке ашырууну камсыз кылуу боюнча күч-аракеттерди күчөтүүгө өз ара кызыкчылык тастыкталды.