Кыргызстан менен Түндүк Македония саламаттык сактоо тармагындагы кызматташтыктын келечегин талкуулады,Түркияга болгон иш сапарынын жана Саламаттык сактоо боюнча 12-эл аралык конгресске катышуусунун алкагында Кыргыз Республикасынын Саламаттык сактоо мин,Кыргызстан менен Түндүк Македония саламаттык сактоо тармагындагы кызматташтыктын келечегин талкуулады,

Түркияга болгон иш сапарынын жана Саламаттык сактоо боюнча 12-эл аралык конгресске катышуусунун алкагында Кыргыз Республикасынын Саламаттык сактоо министри Дамир Осмонов Түндүк Македониянын саламаттык сактоо министри Сашо Клековски менен эки тараптуу жолугушуу өткөрдү.

Жолугушуунун жүрүшүндө саламаттык сактоо системаларын өнүктүрүүнүн актуалдуу маселелери, эки тараптуу кызматташтыктын келечеги жана кесиптик тажрыйба алмашуу мүмкүнчүлүктөрү боюнча пикир алмашуу болду.

Медициналык камсыздандырууну уюштуруу, ошондой эле медициналык жардамдын жеткиликтүүлүгүн жана сапатын камсыз кылуу ыкмаларына өзгөчө көңүл бурулду. Тараптар улуттук саламаттык сактоо системаларынын өзгөчөлүктөрүн эске алуу менен эл аралык тажрыйбаны үйрөнүүнүн жана алдыңкы практикалар менен алмашуунун маанилүүлүгүн белгилешти.

Жолугушуу кесиптик диалог жүргүзүүгө, тармакты өнүктүрүүнүн актуалдуу багыттарын талкуулоого жана Кыргызстан менен Түндүк Македониянын ортосундагы кызматташтыкты чыңдоого мүмкүнчүлүк түздү.

Мындай байланыштар эл аралык кызматташтыкты кеңейтүүгө жана саламаттык сактоо системаларын өркүндөтүүнүн ар түрдүү ыкмалары менен таанышууга өбөлгө түзөт.