Эл аралык деңгээлдеги жогорку баа жана дүйнөлүк деңгээлдеги көрүнүктүү окумуштуулар менен жолугушуу,Азиз Санжар атындагы TÜSEB сыйлыктарын тапшыруу аземинин алкагында Кыргыз Республикасынын Саламаттык сактоо министри Дамир Осмонов медициналык илимди ,Эл аралык деңгээлдеги жогорку баа жана дүйнөлүк деңгээлдеги көрүнүктүү окумуштуулар менен жолугушуу,

Азиз Санжар атындагы TÜSEB сыйлыктарын тапшыруу аземинин алкагында Кыргыз Республикасынын Саламаттык сактоо министри Дамир Осмонов медициналык илимди өнүктүрүүгө жана эл аралык илимий кызматташтыкты чыңдоого кошкон зор салымы үчүн Түрк медициналык конгрессинин Ардак грамотасы менен сыйланды.

Бул окуянын өзгөчө маанилүүлүгү сыйлыкты Түркия Республикасынын Президенти Режеп Тайип Эрдогандын жеке өзү тапшыргандыгы менен дагы да артты.

Ошондой эле дүйнөлүк илимдин эки көрүнүктүү өкүлү менен жолугушуулар жана эстелик үчүн сүрөткө түшүү учурлары болду:

Азиз Санжар — 2015-жылы химия боюнча Нобель сыйлыгынын лауреаты.

Угур Шахин — BioNTech компаниясынын негиздөөчүлөрүнүн бири, COVID-19га каршы BioNTech–Pfizer вакцинасын иштеп чыгуучулардын бири.

Мындай дүйнөлүк деңгээлдеги окумуштуулар менен жолугушуу тажрыйба алмашууга, академиялык байланыштарды чыңдоого жана медицина тармагындагы эл аралык кызматташтыкты өнүктүрүүгө кеңири мүмкүнчүлүктөрдү ачып, өзгөчө баалуулукка ээ.

Бул окуя жеке кесиптик салымдын жогору бааланышы гана эмес, илимий достуктун жана түрк дүйнөсүнүн биримдигинин маанилүү символу болуп калды.

Илим чек араны тааныбайт, ал эми анын жетишкендиктери бүткүл адамзатка кызмат кылат!