2026-жылдын 2-ноябрына карата Кыргыз Республикасында курч респиратордук вирустук инфекциялар жана сасык тумоо боюнча эпидемиологиялык абал,Кыргыз Республикасынын Саламаттык сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөл департаменти курч р, 2026-жылдын 2-ноябрына карата Кыргыз Республикасында курч респиратордук вирустук инфекциялар жана сасык тумоо боюнча эпидемиологиялык абал,

Кыргыз Республикасынын Саламаттык сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөл департаменти курч респиратордук вирустук инфекциялардын (КРВИ), сасык тумоонун жана коронавирус инфекциясынын жайылышына жума сайын мониторинг жүргүзүүнү улантууда.

Ыкчам маалыматтарга ылайык, 2026-жылдын 44-жумасында (24–31-октябрь) республика боюнча КРВИ жана сасык тумоо менен ооруган 10 432 учур катталган. Оорунун көрсөткүчү 100 миң калкка 142,1 учурду түздү. Мурунку жумага салыштырмалуу ооругандардын саны 6,9%га, ал эми 2025-жылдын ушул мезгилине салыштырмалуу 1,5 эсеге өскөн.

Ооругандардын жалпы санынын 68,1%ын 14 жашка чейинки балдар түзөт (7 103 учур).

Лабораториялык мониторингдин маалыматтарына ылайык, республикада респиратордук вирустардын циркуляциясы уланууда. Аныкталган козгогучтардын арасында риновирустар — 47,6%, парагрипп вирустары — 21,5%, аденовирустар — 13,8%, сезондук коронавирустар — 10,2%, бокавирустар — 6,1% жана респиратордук-синцитиалдык вирус — 0,8% басымдуулук кылууда.

Сасык тумоого каршы эмдөө

Сезондук сасык тумоонун алдын алуу максатында Кыргыз Республикасынын Саламаттык сактоо министрлиги тарабынан «Гриппол+» вакцинасынын 63 734 дозасы сатып алынган. Мындан тышкары, сасык тумоого каршы вакцинанын дагы 100 миң дозасы жеткирилери күтүлүүдө.

Учурда республиканын бардык аймактарында сасык тумоого каршы эмдөө уланууда. Биринчи кезекте төмөнкү тобокелдик тобуна кирген адамдар эмделүүдө:

өнөкөт оорулары бар адамдар;
65 жаштан жогорку жарандар;
кош бойлуу аялдар;
тез-тез ооруган балдар;
медициналык кызматкерлер.

Аталган жарандар үчүн эмдөө Үй-бүлөлүк медицина борборлорунда акысыз жүргүзүлөт.

Мындан тышкары, каалоочулар 12 жеке медициналык уюмда акы төлөп эмдөөдөн өтө алышат. Алар: «Кроха», «Малыш», «ЦАДМИР», «Поликлиника-312», «Интермедикал», «Комфорт Медик», «Эдельвейс», «Клиника 21», «Авиценна», «Чипенко», «Мама Доктор» жана «Аллерго Эксперт». Эмдөөнүн баасы бир доза үчүн 450 сомдон 1 100 сомго чейин.

КРВИнин жана сасык тумоонун алдын алуу боюнча негизги чаралар

Кыргыз Республикасынын Саламаттык сактоо министрлиги калкты төмөнкү алдын алуу чараларын сактоого чакырат:

колдун гигиенасын сактоо, колду самындап үзгүлтүксүз жуу;
бөлмөлөрдү тез-тез желдетүү жана нымдуу тазалоо иштерин жүргүзүү;
жөтөлгөндө жана чүчкүргөндө оозду жана мурунду жабуу аркылуу респиратордук гигиенаны сактоо;
адамдар көп чогулган жерлерде, өзгөчө респиратордук инфекциянын белгилери байкалганда медициналык беткап колдонуу;
организмди үшүтүүдөн сактануу;
оорунун белгилери пайда болсо, үйдөн чыкпай, өз убагында медициналык жардамга кайрылуу;
КРВИнин белгилери бар балдарды айыкканга чейин мектепке жана бала бакчага жибербөө;
эмгек жана эс алуу режимин сактоо, туура тамактануу жана кыймыл-аракетти жетиштүү деңгээлде кармоо.

Калкка консультациялык жардам көрсөтүү

Балдарга өз убагында медициналык жардам көрсөтүүнү камсыз кылуу максатында Үй-бүлөлүк медицина борборлорунда КРВИ боюнча адистештирилген колл-борборлор уюштурулган.

Балада оорунун алгачкы белгилери пайда болгондо ата-энелер аралыктан консультация алуу үчүн кайрылып, медициналык адистердин сунуштарын жана кошумча текшерүүдөн өтүү же ооруканага жаткыруу зарылдыгы тууралуу маалымат ала алышат.

Кыргыз Республикасынын Саламаттык сактоо министрлиги жарандарды сасык тумоого каршы эмдөөдөн өз убагында өтүүгө, алдын алуу чараларын сактоого жана оорунун белгилери пайда болгон учурда медициналык жардамга кайрылууга чакырат.

Өзүңүздөрдү жана жакындарыңызды коргоңуз!

Бишкек шаарындагы Үй-бүлөлүк медицина борборлорунун колл-борборлору

№1 Үй-бүлөлүк медицина борбору — 0501323156
№2 Үй-бүлөлүк медицина борбору — 0559203103
№3 Үй-бүлөлүк медицина борбору — 0500755471
№4 Үй-бүлөлүк медицина борбору — 0704706773
№5 Үй-бүлөлүк медицина борбору — 0500706911
№6 Үй-бүлөлүк медицина борбору — 0558299808
№7 Үй-бүлөлүк медицина борбору — 0500060868
№8 Үй-бүлөлүк медицина борбору — 0700157609
№9 Үй-бүлөлүк медицина борбору — 0550359050
№10 Үй-бүлөлүк медицина борбору — 0990507015
№11 Үй-бүлөлүк медицина борбору — 0500530010
№12 Үй-бүлөлүк медицина борбору — 0501121293
№13 Үй-бүлөлүк медицина борбору — 0707366084
№14 Үй-бүлөлүк медицина борбору — 0550103150
Темир жол бейтапканасы — 0709372849