Бишкек шаардык Тез медициналык жардам борборунун директору «КМШ өлкөлөрүнүн саламаттык сактоо лидери — 2026» эл аралык сынагынын жеңүүчүсү болду,Бишкек шаардык Тез медициналык жардам борборунун директору Егор Борисов «КМШ өлкөлөрүнүн саламаттык сактоо лидери — 2026» эл аралык сынагынын жеңүүчүс,Бишкек шаардык Тез медициналык жардам борборунун директору «КМШ өлкөлөрүнүн саламаттык сактоо лидери — 2026» эл аралык сынагынын жеңүүчүсү болду,

Бишкек шаардык Тез медициналык жардам борборунун директору Егор Борисов «КМШ өлкөлөрүнүн саламаттык сактоо лидери — 2026» эл аралык сынагынын жеңүүчүсү болду.

Егор Борисов «КМШ өлкөлөрүнүн улуттук саламаттык сактоо системаларын санариптештирүүгө кошкон салымы үчүн» номинациясы боюнча «Тез медициналык жардамды санариптик трансформациялоо: Бишкек шаардык Тез медициналык жардам борборунун автоматташтырылган башкаруу системасы» долбоору үчүн жеңүүчү дипломун алды.

Сынакка КМШнын алты мамлекетинин — Кыргызстандын, Россиянын, Казакстандын, Өзбекстандын, Беларустун жана Азербайжандын өкүлдөрү катышты. Сунушталган долбоорлор эл аралык эксперттик комиссия тарабынан алардын натыйжалуулугу, практикалык жыйынтыктары жана башка өлкөлөрдө ишке ашыруу мүмкүнчүлүктөрү эске алынуу менен бааланды.

Бул жеңиш Кыргызстандын тез медициналык жардам көрсөтүү тармагында санариптик технологияларды өнүктүрүү боюнча тажрыйбасынын таанылышы болуп саналат. Ошондой эле Бишкек шаардык Тез медициналык жардам борборунун жамаатынын системалуу ишинин жыйынтыгы.

Бул жетишкендик Бишкекте иштелип чыгып, ишке киргизилген санариптик чечимдер улуттук деңгээлде гана эмес, эл аралык аренада да кызыгуу жаратып жатканын тастыктайт.