КР Саламаттык сактоо министрлиги калктын бир катар жугуштуу ооруларга каршы иммунитетинин деңгээлин баалоодо,Кыргыз Республикасынын Саламаттык сактоо министрлиги калктын эмдөө аркылуу алдын алууга мүмкүн болгон инфекцияларга, ошондой эле зооноздук жана табигы,КР Саламаттык сактоо министрлиги калктын бир катар жугуштуу ооруларга каршы иммунитетинин деңгээлин баалоодо,

Кыргыз Республикасынын Саламаттык сактоо министрлиги калктын эмдөө аркылуу алдын алууга мүмкүн болгон инфекцияларга, ошондой эле зооноздук жана табигый очоктуу инфекцияларга каршы иммунитетинин деңгээлин баалоого багытталган популяциялык сероэпидемиологиялык изилдөөнүн жаңы этабы башталганын жарыялайт.

Изилдөө 2026–2028-жылдарга карата Чыгыш Европа, Түштүк Кавказ жана Борбор Азия өлкөлөрүнө көмөк көрсөтүү боюнча комплекстүү программанын алкагында Санкт-Петербург шаарындагы Пастер атындагы Эпидемиология жана микробиология илим-изилдөө институту (Роспотребнадзор) менен өнөктөштүктө жүргүзүлүүдө.

Бул изилдөө 2023–2025-жылдары беш өлкөдө (Беларусь, Кыргызстан, Армения, Түркмөнстан жана Сербия) ишке ашырылган эл аралык долбоордун уландысы болуп саналат. Анын мурунку этабына Кыргыз Республикасынан 6 617 ыктыярчы катышкан. Алардын канынан кызамык, кызылча, эпидемиялык паротит, COVID-19 жана вирустук гепатиттердин козгогучтарына каршы антителолордун деңгээли аныкталган. Алынган маалыматтар бул аймакка мүнөздүү көйгөйлөрдү, атап айтканда, калктын айрым топторунда иммунитеттин жетишсиз деңгээлин жана өлкөдө эмдөө аркылуу оорулардын алдын алуу чараларын өркүндөтүү зарылдыгын аныктоого мүмкүндүк берген.

Кыргызстанда изилдөөнүн жаңы этабы (2026–2028-жылдар) кошумча эмдөө кампаниялары жүргүзүлүп жаткан инфекцияларга каршы калктын иммунитетинин өзгөрүү динамикасын баалоого, ошондой эле тиешелүү зооноздук жана табигый очоктуу инфекциялардын иш жүзүндө таралышы жөнүндө объективдүү маалыматтарды алууга мүмкүндүк берет.

Долбоордун негизги милдеттери:

· Кыргыз Республикасына калк арасында сероэпидемиологиялык изилдөөлөрдү жүргүзүү үчүн натыйжалуу маалыматтык-технологиялык (IT) инструментти сунуштоо;

· Жалпы калктын жана ар кандай курактагы топтордун арасында вакцинопрофилактика аркылуу алдын алууга мүмкүн болгон инфекцияларга (кызамык, көк жөтөл, дифтерия, селейме, суу чечек) каршы иммунитеттин абалын жана өзгөрүү динамикасын объективдүү баалоо, анын ичинде кошумча эмдөө иш-чараларынын натыйжаларын аныктоо;

· Кыргыз Республикасы үчүн мааниге ээ болгон табигый очоктуу жана зооноздук инфекциялардын серопреваленттүүлүгү жөнүндө актуалдуу маалыматтарды алуу.

Изилдөөнүн жыйынтыктары өлкөдөгү эпидемиологиялык кырдаалды болжолдоо үчүн, ошондой эле жугуштуу оорулардын алдын алуу боюнча спецификалык жана спецификалык эмес иш-чараларды пландаштыруу үчүн негиз болот деп күтүлүүдө.

Кыргыз Республикасынын Саламаттык сактоо министрлиги эпидемиологиялык көзөмөлдү чыңдоо жана калктын саламаттыгын коргоо боюнча чаралардын натыйжалуулугун жогорулатуу үчүн эл аралык илимий кызматташтыкты улантуунун маанилүүлүгүн белгилейт.

https://vezca.pasteurorg.ru/all_antitela.php?reg_id=102