Бүгүн 2026-жылдын 5-мартында, Манас шаарындагы «Юстиция үйүнүн» салтанаттуу ачылышы аземи болуп өттү,Ачылыш аземине, Кыргыз Республикасынын Президентинин Жалал-Абад облусундагы ыйгарым укуктуу өкүлү Текебаев Тилек Кыдырмаевич, Кыргыз Республикасынын Ю,Бүгүн 2026-жылдын 5-мартында, Манас шаарындагы «Юстиция үйүнүн» салтанаттуу ачылышы аземи болуп өттү,

Ачылыш аземине, Кыргыз Республикасынын Президентинин Жалал-Абад облусундагы ыйгарым укуктуу өкүлү Текебаев Тилек Кыдырмаевич, Кыргыз Республикасынын Юстиция министринин орун басары Зарылбек уулу Алмазбек, ошондой эле, облустун Юстиция башкармалыгынын, Пробация депортаментинин, Юридикалык жардам кызматынын кызматкерлери, мамлекеттик жана жеке нотариустар катышышты.

«Юстиция үйү», имараты шаардын мурдакы мамлекеттик нотариалдык кенсесинин имаратынын оордуна курулуп, Манас шаарынын Пушкин көчөсүнүн №51 дарегинде жайгашат. Имарат, үч кабаттуу, замандын талабына ылайык келген курулуштагы имарат болуп курулду.

Имаратта, кызматкерлер жана жарандар үчүн ыңгайлуу шарттар түзүлүп, тиешелүү кызматтарды көрсөтүү үчүн бардык мүмкүнчүлүктөр каралган.

«Юстиция үйүнүн» жаңы имаратында, Жалал-Абад облусунун юстиция башкармалыгы, Пробация департаменти, Юридикалык жардам берүү кызматы, мамлекеттик нотариустар жайгашышат.

Жалпысынан “Юстиция үйүнүн” курулушу мамлекеттик юридикалык кызмат көрсөтүүлөрдү борборлоштурууга, жарандар үчүн жеткиликтүү, ачык жана сапаттуу тейлөөнү камсыздоого багытталган маанилүү инфраструктуралык долбоор болуп саналат.