КЫРГЫЗ РЕСПУБЛИКАСЫНЫН УЛУТТУК ТАРЫХ МУЗЕЙИНЕ ЯПОН,Кыргыз Республикасынын Улуттук тарых музейинде эл аралык илимий кызматташтыкты чыңдоого багытталган маанилүү жолугушуу болуп өттү. Музейдин директору,,КЫРГЫЗ РЕСПУБЛИКАСЫНЫН УЛУТТУК ТАРЫХ МУЗЕЙИНЕ ЯПОНИЯЛЫК ОКУМУШТУУЛАР ИШ САПАР МЕНЕН КЕЛИШТИ,

Кыргыз Республикасынын Улуттук тарых музейинде эл аралык илимий кызматташтыкты чыңдоого багытталган маанилүү жолугушуу болуп өттү. Музейдин директору, профессор Жылдыз Бакашова Япониядан келген белгилүү археолог, Чүй өрөөнүндө он жылдан ашуун убакыттан бери изилдөө жүргүзүп келе жаткан Иваи Шюмпей, ошондой эле адис-кеңешчилер Сакакибара Йодзи жана Камода Масато менен жолукту.

Япониялык окумуштуулардын иш сапары орто кылымдарга таандык Ак-Бешим шаар чалдыбарынын аймагында музей куруу демилгеси менен байланыштуу болуп, анын алкагында алар Кыргызстандын музей тармагындагы тажрыйба, башкаруу системасы жана фонддорду сактоо боюнча ишмердүүлүк менен жакындан таанышышты.

Жолугушуунун жүрүшүндө конокторго төмөнкү негизги багыттар боюнча кеңири маалымат берилди:

- музей фондуларына тарыхый жана антиквариат экспонаттарын кабыл алуу тартиби;

- мамлекеттик электрондук каталог системасынын иштөө механизми;

- музей коллекцияларын сактоо, консервациялоо жана санариптик эсепке алуу;

- илимий-изилдөө жана экспозициялык иштерди уюштуруу тажрыйбасы;

- фонддук ишмердүүлүктүн эл аралык стандарттарга ылайык жүргүзүлүшү.

Жолугушуу иштиктүү жана конструктивдүү маанайда өтүп, тараптар музей куруу жана археологиялык мурастарды сактоо багытында тажрыйба алмашуунун маанилүүлүгүн белгилешти.

Музейдин жетекчиси Жылдыз Бакашова Кыргыз Республикасынын Улуттук тарых музейи мындан ары да эл аралык илимий кызматташтыкты кеңейтүүгө, биргелешкен долбоорлорду колдоого жана дүйнөлүк музей коомчулугу менен тыгыз иш алып барууга даяр экендигин баса белгиледи.

EGOV.KG

EGOV.KG