Маалымат жана мамлекеттик кызматтардын борборлошкон порталы

Министрликтер жана караштуу уюмдар

Кыргызстанды ач

Бийик тоолуу жайлоолордон жана тунук көлдөрдөн чыгыш базарларына жана шаарларга чейин — бул жердин ар бир бурчу тарыхты, маданиятты жана көчмөн элдердин рухун сактайт

Ачуу

Маалымат жана мамлекеттик кызматтардын борборлошкон порталы

Жаңылыктар

Кененирээк

Заместитель министра Кайрат Турсункулов провел встречу с Заместителем министра иностранных дел Республики Ирак Мохаммедом Хусейном Мохамед Бахр Аль-Улумом и другими официальными представителями иракской стороны

Бишкекте мамлекеттик жана муниципалдык кызматчыларды профилактикалык медициналык текшерүүдөн өткөрүү боюнча пилоттук долбоор ишке ашырылууда Кыргызстандын БУУнун Коопсуздук Кеңешинин Жакынкы Чыгыш боюнча ачык талкуусуна катышуусу Юстиция министри Алмаз Айылчиев Соттук-эксперттик кызматтын иши менен таанышты ИИМ экстремисттик ишмердүүлүккө тартылуу коркунучу тууралуу эскертет

Министрликтердин жаңылыктары

18.10.2026Кыргыз Республикасынын Тышкы иштер министрлиги

17.10.2026Кыргыз Республикасынын Саламаттык сактоо министрлиги

Бишкекте мамлекеттик жана муниципалдык кызматчыларды профилактикалык медициналык текшерүүдөн өткөрүү боюнча пилоттук долбоор ишке ашырылууда

Кыргыз Республикасынын Саламаттык сактоо министри Дамир Осмонов Бишкек шаарындагы № 6 Үй-бүлөлүк медицина борборуна барып, мамлекеттик жана муниципалдык кызматчыларды профилактикалык медициналык текшерүүдөн (Check-up) өткөрүү боюнча пилоттук долбоордун алкагында түзүлгөн шарттар менен таанышты.Пилоттук долбоор Кыргыз Республикасынын Саламаттык сактоо министрлиги тарабынан Кыргыз Республикасынын Президентинин 2026-жылдын 12-июнундагы тапшырмасын аткаруу максатында ишке ашырылууда.Долбоордун максаты — мамлекеттик жана муниципалдык кызматкерлерди профилактикалык медициналык текшерүүдөн өткөрүү моделин сыноодон өткөрүү. Ал өнөкөт жугуштуу эмес ооруларды жана алардын өнүгүшүнө алып келүүчү тобокелдик факторлорун эрте аныктоого багытталган.Пилоттук долбоор Бишкек шаарында 2026-жылдын октябрь айынан 31-декабрына чейин жүргүзүлөт. Программада текшерүүнүн бир нече топтому каралган. Алардын катарына базалык, терапиялык, ошондой эле ар кандай курактагы эркектер жана аялдар үчүн өзүнчө топтомдор кирет.Тандалган топтомго жараша медициналык текшерүү дарыгерлердин консультацияларын, лабораториялык анализдерди, аспаптык изилдөөлөрдү жана ден соолуктун негизги көрсөткүчтөрүн баалоону камтыйт. Текшерүүнүн жыйынтыгы боюнча үй-бүлөлүк дарыгер корутунду чыгарып, ден соолук тобун аныктайт жана зарыл болгон учурда мындан аркы медициналык көзөмөлдүн тартибин сунуштайт.Медициналык текшерүү акы төлөнүүчү негизде жүргүзүлөт. Мамлекеттик жана муниципалдык кызматкерлер өздөрүнө ылайыктуу топтомду өз алдынча тандап, анын акысын төлөшөт. Пилоттук долбоордун алкагында текшерүү топтомдорунун баасы 2 029 сомдон 3 886 сомго чейин түзөт.Check-up текшерүүсүнөн өтүү үчүн № 6 Үй-бүлөлүк медицина борборунун каттоо бөлүмүнө кайрылып, профилактикалык медициналык текшерүүдөн өтүүгө келгенин билдирүү зарыл. Медицина кызматкерлери катышуучуларга багыт берип, белгиленген алгоритмге ылайык тиешелүү кабинеттерге жөнөтүшөт.Калкка медициналык жардам көрсөтүүнүн жеткиликтүүлүгүн төмөндөтпөө максатында, № 6 Үй-бүлөлүк медицина борборуна катталган тургундарды кабыл алуунун кадимки тартибин сактоо менен, кызматкерлер алдын ала түзүлгөн график боюнча кабыл алынат. Текшерүүлөрдүн жыйынтыктарын эсепке алуу жана аналитикалык отчеттуулукту түзүү үчүн «Sanarip Clinic» маалыматтык системасындагы Check-up санариптик модулун колдонуу каралган.Пилоттук долбоор аяктагандан кийин анын жыйынтыктарына, иш жүзүндөгү чыгымдарга жана текшерүүлөрдү уюштуруунун өзгөчөлүктөрүнө талдоо жүргүзүү пландалууда. Алынган маалыматтардын негизинде Check-up текшерүү топтомдору үчүн бирдиктүү прейскурантты түзүү жана профилактикалык медициналык текшерүүлөрдүн моделин мындан ары өнүктүрүү боюнча сунуштар даярдалат.

16.10.2026Нью-Йорк шаарындагы Кыргыз Республикасынын Бириккен Улуттар Уюмунун астындагы Туруктуу өкүлчүлүгү

Кыргызстандын БУУнун Коопсуздук Кеңешинин Жакынкы Чыгыш боюнча ачык талкуусуна катышуусу

2026-жылдын 15-октябрында БУУнун Коопсуздук Кеңешинин Жакынкы Чыгыштагы кырдаал боюнча ачык талкуусунда Кыргыз Республикасы тынчтык тургундарын коргоого, Газада ок атышууну токтотуу жөнүндө макулдашууну сактоого жана чыр-чатактарды дипломатиялык жол менен жөнгө салууга чакырды. Кыргыз Республикасы эл аралык гуманитардык укукту сактоонун жана Газага гуманитардык жардамды коопсуз, үзгүлтүксүз жана тоскоолдуксуз жеткирүүнүн зарылдыгын белгиледи.Кыргызстан БУУнун резолюцияларына ылайык палестина-израиль жаңжалын тынчтык жолу менен жөнгө салууну колдой турганын ырастап, эки мамлекеттүү чечим туруктуу тынчтыкка алып баруучу жалгыз жол экенин баса белгиледи. Жалпысынан аймактагы кырдаалга токтолуп, Кыргызстан чыңалууга жана Йеменде согуш аракеттеринин кайрадан күчөшүнө тынчсыздануусун билдирип, аймактагы бардык мамлекеттердин, анын ичинде Сириянын эгемендигин жана аймактык бүтүндүгүн урматтоого чакырды.Ошондой эле жаңжалдардын эл аралык транспорттук каттамдарга, азык-түлүк жана энергия менен камсыздоого тийгизген кесепеттери белгиленди.Кыргыз Республикасы БУУнун жана аймактык ортомчулардын аракеттерин колдоп, Коопсуздук Кеңешин өз резолюцияларынын аткарылышына жана Жакынкы Чыгышта адилеттүү, туруктуу тынчтыкты орнотууга көмөктөшүүгө үндөдү.

16.10.2026Кыргыз Республикасынын Юстиция министрлиги

Юстиция министри Алмаз Айылчиев Соттук-эксперттик кызматтын иши менен таанышты

Юстиция министри Алмаз Айылчиев министрликке караштуу Соттук-эксперттик кызматтын ишмердүүлүгү, негизги иш багыттары жана учурдагы милдеттери менен таанышты.Бүгүнкү күндө Кызмат экспертизанын 45 түрүн жүргүзөт. Алардын жыйынтыктары укук бузуулардын жагдайларын аныктоодо жана сот адилеттигинин калыстыгын камсыз кылууда чоң мааниге ээ.Негизги багыттардын катарына баллистикалык жана трасологиялык изилдөөлөр, автотехникалык экспертиза, кол жазма таануу жана документтердин техникалык экспертизалары, ошондой эле компьютердик-техникалык, химиялык, лингвистикалык, дин таануу, курулуш-техникалык, экономикалык, бухгалтердик жана өрт-техникалык экспертизалар кирет. Алар санариптик маалыматтарды талдоодон жана тыюу салынган заттарды аныктоодон тартып, финансылык укук бузууларды изилдөөгө жана өрттүн себептерин аныктоого чейинки кеңири чөйрөдөгү милдеттерди камтыйт.Таанышуу учурунда Кызматты кадрлар менен камсыз кылуу маселесине өзгөчө көңүл бурулду. Квалификациялуу адистердин жетишсиздиги көйгөйлөрдүн бири бойдон калууда. Бул жагдай эмгек акынын деңгээлине да байланыштуу.Министр учурда Соттук-эксперттик кызматтын кызматкерлеринин эмгек акы төлөө шарттарын жакшыртуу боюнча жигердүү иштер жүргүзүлүп жатканын белгиледи. Бул чара адистерди тартууга, соттук эксперт кесибинин жагымдуулугун арттырууга жана кадрлардын кызматтан кетүүсүн азайтууга өбөлгө түзөрү күтүлүүдө.

16.10.2026Кыргыз Республикасынын Ички иштер министрлиги

ИИМ экстремисттик ишмердүүлүккө тартылуу коркунучу тууралуу эскертет

Кыргыз Республикасынын Ички иштер министрлиги жарандарды сак болууга жана экстремисттик, радикалдык идеяларды жайылткан уюмдардын ишмердүүлүгүнө тартылууга жол бербөөгө чакырат.Соттор тарабынан террористтик же экстремисттик деп таанылган уюмдардын жана маалыматтык материалдардын расмий тизмеси Кыргыз Республикасынын Башкы прокуратурасынын сайтында жайгаштырылган. Жарандар аталган тизме менен төмөнкү шилтеме аркылуу өз алдынча тааныша алышат:https://prokuror.kg/ru/perechen-organizatsiy-i-informatsionnyh-materialov-priznannyh-sudami-terroristicheskimi-i-ekstremistskimiМындай уюмдар өздөрүнүн көз караштарын жайылтуу, жаңы мүчөлөрдү тартуу жана жарандарды мыйзамсыз аракеттерге түртүү максатында социалдык тармактарды, мессенжерлерди жана жеке байланыштарды колдонушат. Жарандарды мындай ишмердүүлүккө тартуу жабык топторго кошулууга чакыруудан, интернеттеги талкууларга катыштыруудан же коркунучсуз жарыялардын атын жамынып, ар кандай материалдарды таратуудан башталышы мүмкүн.Тыюу салынган террористтик жана экстремисттик уюмдардын ишмердүүлүгүнө катышуу, ошондой эле мыйзамда каралган учурларда экстремисттик мүнөздөгү башка укукка каршы аракеттерди жасоо кылмыш-жаза жоопкерчилигине алып келет.Ушуга байланыштуу Ички иштер министрлиги жарандарды келип түшкөн маалыматтарга кылдат мамиле кылууга, мындай уюмдарга кошулуу тууралуу сунуштарга алдырбоого жана экстремизмди пропаганда кылган материалдарды таратпоого чакырат.Мыйзамдарды билүү жана жайылтылып жаткан маалыматтарга кылдат мамиле кылуу укукка каршы ишмердүүлүккө тартылуунун алдын алууга, ошондой эле өзүңүздү жана жакындарыңызды анын кооптуу кесепеттеринен коргоого жардам берет.Сак болуңуздар! Маалыматты текшериңиздер! Мыйзамды сактаңыздар!ИИМдин Басма сөз кызматы

16.10.2026Кыргыз Республикасынын Өзгөчө кырдаалдар министрлиги

ДРЕНАЖДЫК ТҮТҮКТӨР ТАЗАЛАНЫП, СУУ КАПТООНУН АЛДЫН АЛУУ ИШТЕРИ ЖҮРҮҮДӨ

Өзгөчө кырдаалдар министрлиги тарабынан дренаждык түтүктөр тазаланып, алардын үзгүлтүксүз иштешин камсыз кылуу чаралары көрүлүүдө.Республика боюнча жалпы 17 объектте жумуштар толугу менен аяктап, 13 объектте тазалоо иштери уланууда. Мындай алдын алуу иштери аймактардагы жер астындагы суулардын көтөрүлүшүн жана каптоо коркунучун азайтат.2026-жылга карата дренаждык түтүктөрдү казуу жана калыбына келтирүү боюнча жалпы 30 объект пландалган. Анын ичинен 17си ачык, 13ү жабык типтеги дренаждар. Аймактар боюнча айтсак, Талас облусунда 21 объекттин 14үндө жумуштар аяктап, 7 объектте уланууда. Ал эми Чүй облусунда 9 объекттин 3үндө жумуштар толугу менен бүтүп, 6 объектте иштер жүрүп жатат.Жалпысынан, пландагы тазалоо иштери өз учурунда аткарылып, калган объекттерде жумуштар кызуу уланууда.КР ӨКМ ПРЕСС-БОРБОРУ

16.10.2026Кыргыз Республикасынын Агартуу министрлиги

АГАРТУУ МИНИСТРЛИГИНДЕ БИЛИМ БЕРҮҮ ИШМЕРДИГИН ЛИЦЕНЗИЯЛООНУН ЖОЛ-ЖОБОЛОРУН ӨРКҮНДӨТҮҮ МАСЕЛЕЛЕРИ ТАЛКУУЛАНДЫ

Бүгүн, 16-октябрда, Кыргыз Республикасынын Агартуу министрлигинде министрдин орун басары Виктория Мозгачеванын жана «Билим берүү мекемелеринин союзу» жеке менчик мектептер ассоциациясынын төрайымы Назира Молдобаеванын, министрликтин аккредитациялоо жана лицензиялоо бөлүмүнүн кызматкерлеринин катышуусунда жумушчу кеңешме өттү.Кеңешме Кыргыз Республикасынын Министрлер Кабинетинин Төрагасынын ишкердик ишмердүүлүктү жүргүзүү шарттарын жакшыртуу боюнча ведомстволор аралык жумушчу топ түзүү жөнүндөтескемесин аткаруунун алкагында өткөрүлдү.Жыйында колдонуудагы лицензиялык талаптар, аларды аткарууга байланышкан убакыт жана каржылык чыгымдардын шайкештиги, кайталанган жол-жоболордун болушу, ошондой эле билим берүү тармагындагы административдик тоскоолдуктарды жоюу мүмкүнчүлүктөрү талкууланды.Ассоциациянын өкүлү педагогдордун кесиптик компетенцияларын ырастоого байланыштуу бир катар практикалык маселелерди көтөрдү. Анын ичинде башка адистик боюнча диплому бар, бирок көп жылдык педагогикалык иш тажрыйбасына ээ мугалимдердин кесиптик компетенцияларын ырастоо маселеси белгиленди.Мындан тышкары, тектеш окуу предметтерин окутуу жана педагогдордун бир нече жеке менчик билим берүү уюмдарында айкалыштырып иштөөсүн уюштуруу маселелери талкууланды.Министрдин орун басары Виктория Мозгачева педагогикалык кызматкерлерди аттестациялоо системасын иштеп чыгуу боюнча жүргүзүлүп жаткан иштер тууралуу маалымат берди. Бул системанын алкагында педагогдордун кесиптик компетенцияларын ырастоо маселелерин кароо болжолдонууда. Ал эми тектеш предметтерди окутуу жана айкалыштырып иштөө маселелери кошумча изилдөө үчүн министрликтин тиешелүү түзүмдүк бөлүмүнө жөнөтүлөт.Жолугушуунун жыйынтыгында колдонуудагы талаптарды талдоо, лицензиялоо жол-жоболорун өркүндөтүү жана административдик кыйынчылыктарды азайтуу боюнча сунуштарды даярдоо багытында мындан аркы биргелешкен иштин багыттары аныкталды. Мында билим берүүнүн сапатына жана окуучулардын коопсуздугуна коюлган талаптарды сактоо негизги шарт катары белгиленди.

16.10.2026Кыргыз Республикасынын Суу ресурстары, айыл чарба жана кайра иштетүү өнөр жайы министрлиги

МИНИСТРДИН ОРУН БАСАРЫ Р. АКИМЖАНОВА «АГРОАЗЫК-ТҮЛҮК ТАРМАГЫНДАГЫ ИННОВАЦИЯЛАР КҮНҮ — 2026» ИШ-ЧАРАСЫНА КАТЫШТЫ

Бүгүн, 16-октябры министринин орун басары Р. Акимжанова Кыргыз улуттук агрардык университетинде өткөн «Агроазык-түлүк тармагындагы инновациялар күнү — 2026» иш-чарасына катышты. «Бүгүнкү инновациялар — эртеңки азык-түлүк коопсуздугу» урааны алдында уюштурулган иш-чара Бүткүл дүйнөлүк азык-түлүк күнүнө арналды. Иш-чараны БУУнун Азык-түлүк жана айыл чарба уюму (ФАО), БУУнун Дүйнөлүк азык-түлүк программасы (ВПП) жана Кыргыз улуттук агрардык университети уюштурду.Иш-чаранын алкагында студенттер айыл чарбасын өнүктүрүүгө багытталган инновациялык долбоорлорун, прототиптерин жана санариптик чечимдерин сунушташты. Долбоорлордо суу ресурстарын үнөмдөө, жайыттарды сарамжалдуу пайдалануу, тоолуу аймактарды туруктуу өнүктүрүү, азык-түлүк жоготууларын азайтуу жана айыл чарбасын санариптештирүү маселелерине өзгөчө көңүл бурулду.Программанын алкагында студенттик долбоорлордун көргөзмөсү, панелдик талкуулар, практикалык көрсөтмөлөр жана тажрыйба алмашуу уюштурулду. Иш-чара жаштардын инновациялык демилгелерин колдоого, алардын иштеп чыгууларын айыл чарба тармагында практикалык колдонууга багыттоого жана агроазык-түлүк системасынын туруктуулугун жогорулатууга багытталды.Мындай иш-чаралар агрардык тармакка заманбап технологияларды киргизүүгө, студенттердин илимий-практикалык потенциалын өнүктүрүүгө жана Кыргыз Республикасынын азык-түлүк коопсуздугун чыңдоого өбөлгө түзөт. 

16.10.2026Кыргыз Республикасынын Министрлер Кабинетине караштуу Дене тарбия жана спорт мамлекеттик агенттиги

Мамлекеттик органдардын кызматкерлеринин арасында өтүп жаткан стол тенниси боюнча мелдештер жыйынтыкталды

Бүгүн, 16-октябрда Кыргыз Республикасынын мамлекеттик органдарынын кызматкерлеринин арасында өтүп жаткан Спартакиаданын алкагында стол тенниси боюнча мелдештер аяктады.Жыйынтыктар жана байге ээлери:Мамлекеттик органдардын кызматкерлери арасында:1-орун Кыргыз Республикасынын Жарандык авиация мамлекеттик агенттигиЭркин Усубалиев Назгуль Суеркулова Нурзат Анаркулова 2-орун Экономика жана коммерция министрлигиКубат Шатманалиев Эрмек Самарбеков Айжан Айтбекова 3-орун Бишкек шааржык куруу жана архитектура боюнча башкы башкармалыгыТемирлан Камбарбеков Бакытбек Юсупов Айдана Довлетова Күч түзүмдөрүнүн кызматкерлери арасында:1-орун Жазаларды аткаруу мамлекеттик кызматыАбдимиталиб Шаипов Талантбек Салымбаев Элнура Азамат кызы 2-орун Кыргыз Республикасынын Ички иштер министрлигиАкылбек Шералы уулу Камбар Жанболотов Диана Нурлан кызы 3-орун Мамлекеттик чек ара кызматыДеуталы Мамыров Марлен Алимкулов Эльмира Асипбаева

16.10.2026Кыргыз Республикасынын Курулуш, архитектура жана турак жай-коммуналдык чарба министрлиги

“Манас” эл аралык аэропорту: арка куруу үчүн инженердик-изилдөө иштери жүргүзүлдү

Курулуш, архитектура жана турак жай-коммуналдык чарба министрлигине караштуу Инженердик изилдөөлөр департаментинин кызматкерлери “Манас” эл аралык аэропортунун кире беришиндеги арка куруу үчүн бөлүнгөн тилкеде инженердик-изилдөө иштерин жүргүздү.Изилдөө иштеринин жүрүшүндө адистер 10 метрге чейинки тереңдикте скважиналарды бургулоо, ошондой эле топурактын курамын жана өзгөчөлүктөрүн аныктоо, курулуш шарттарын баалоо максатында динамикалык зонддоо иштерин аткарды.Алынган топурак үлгүлөрү Инженердик изилдөөлөр департаментинин лабораториясына жөнөтүлүп, анда топурактын физикалык-механикалык көрсөткүчтөрүн жана касиеттерин аныктоо үчүн тиешелүү сыноолор жүргүзүлөт.Белгилей кетсек, инженердик изилдөөлөр курулушка даярдык көрүүнүн милдеттүү баскычы болуп саналат. Анын жыйынтыктары келечектеги курулманын коопсуздугун, бекемдигин жана узак мөөнөттүү пайдаланылышын камсыз кылууга багытталган долбоордук чечимдерди кабыл алууга негиз болот.