15 дек.
Кыргыз Республикасынын Ички иштер министрлиги
ИИМ: массалык баш аламандыктарга чакырык жасоого шектелген жаран кармалды
<p>Кыргыз Республикасынын Ички иштер министрлигинин Тергөө кызматы тарабынан Кыргыз Республикасынын Кылмыш-жаза кодексинин 278-беренеси (Массалык баш аламандыктар) боюнча кылмыш иши тергелүүдө.</p><p>Тергөө иштеринин алкагында Бишкек шаарынын аймагында айрым жарандар жыйындарды уюштуруп, жүргүзүлүп жаткан мамлекеттик саясатка макул эместигин билдирип, үгүт иштерин жүргүзүү аркылуу массалык баш аламандыктарга чакырыктарды уюштурууга багытталган аракеттерди жасагандыгы аныкталган.</p><p>1971-жылы туулган Дж.М. аттуу жаран шектүү катары кармалган. Санкцияланган тинтүү иштеринин жүрүшүндө анын жашаган жеринен жана өзүнө таандык «Toyota 4Runner» үлгүсүндөгү унаасынан Дж.Мге таандык документтер, ар кандай үлгүдөгү беш уюлдук телефон, микро-SIM-карта, чет өлкөлүк номерлер, кол жазмалары бар эки күндөлүк, «Ашара Хидаст» деген жазуусу бар 14 беттен турган папка, араб тилиндеги 68 китеп, араб тилиндеги китептер салынган бир куту, ошондой эле «ИНЕ» үлгүсүндөгү эки рация жана тергөө үчүн маанилүү болгон башка буюмдар табылып, алынган.</p><p>Жүргүзүлгөн тергөө аракеттеринин жыйынтыгында ДЖ.М. Кыргыз Республикасынын Кылмыш-процессуалдык кодексинин талаптарына ылайык кармалып, Бишкек шаарынын ИИББнын убактылуу кармоочу жайына киргизилген.</p><p>2025-жылдын 13-декабрында Дж.М.га Кыргыз Республикасынын Кылмыш-жаза кодексинин 278-беренесинин 1-бөлүгү боюнча айыбы угузулган. Ошол эле күнү Бишкек шаарынын Биринчи Май райондук сотунун чечими менен айыпталуучуга карата 2026-жылдын 5-январына чейин камакка алуу түрүндөгү бөгөт коюу чарасы тандалган.</p><p>Тергөө иш-чаралары улантылууда.</p><p>ИИМдин Басма сөз кызматы</p>
15 дек.
Кыргыз Республикасынын Транспорт жана коммуникациялар министрлиги
Ашуулардагы абал: Жол тазалоо иштери тынымсыз жүрүүдө
<p><span>Аба ырайынын өзгөрүшүнөн улам көпчүлүк аймактарда кар жаап, жол тазалоо иштери тынымсыз жүрүүдө. Министрликке караштуу Жол тейлөө ишканалары тарабынан атайын кезмет уюштурулуп, күнү-түнү кум-туз аралашмасын чачуу жумуштары аткарылып жатат.</span></p><p><span>Бүгүн, 15-декабрь саат 09:30га карата өлкөнүн ашууларында каттам бар.</span></p><p><span>Бишкек-Ош унаа жолундагы Төө-Ашуу жана Ала-Бел ашууларында буга чейин оор жүк ташуучу унааларга киргизилген убактылуу чектөө алына элек. Азыркы тапта кар жаап жатат, жол тейлөө кызматтары тарабынан тазалоо жана инерттик материал чачуу иштери үзгүлтүксүз жүрүүдө.</span></p><p><span>Ал эми Суусамыр-Талас-Тараз унаа жолундагы Өтмөк ашуусунда жол ачык, чектөө жок.</span></p><p><span>Ошондой эле, Казарман-Акталчат жолундагы Кара-Гөө ашуусу аба-ырайы турукташканга чейин убактылуу жабык. Жарандар үчүн альтернативдүү каттам.</span></p><p><span>Транспорт жана коммуникациялар министрлиги унаа дөңгөлөктөрүн кышкыга алмаштыруу менен керектүү шаймандарды ала жүрүүгө жана жол эрежесин так сактоого чакырат.</span></p><p><span>Транспорт жана коммуникациялар министрлигинин маалымат кызматы</span></p>
14 дек.
Кыргыз Республикасынын Тышкы иштер министрлиги
2025-жылдын 14-декабрындагы маалыматтык билдирүүсү
<p style="text-align: justify"><span>Министрлик, Кыргыз Республикасынын Стамбул шаарындагы Башкы консулдугу жана Кыргыз Республикасынын Улуттук коопсуздук мамлекеттик комитети тарабынан биргелешип жүргүзүлгөн иш-чаралардын натыйжасында Түркия Республикасында мурда кармалган Кыргыз Республикасынын жараны, мугалим Азамат Нурматовго карата колдонулган бөгөт коюу чарасы өзгөртүлгөндүгүн маалымдайт. </span></p><p style="text-align: justify"><span>2025-жылдын 10-декабрында Азамат Нурматов Кыргыз Республикасынын Стамбул шаарындагы Башкы консулдугунун кызматкерлеринин коштоосунда Түркия Республикасынын аймагынан чыгып, Кыргызстанга кайтып келди. Бул иш боюнча соттук териштирүүлөр улантылууда.</span></p><p style="text-align: justify"><span>Стамбул аэропортунда чек ара жана миграциялык жол-жоболордон өтүү учурунда Азамат Нурматовго байланыштуу келип чыккан маселелер дипломатиялык өкүлдөрдүн көмөгү менен жөнгө салынган.</span></p>
13 дек.
Кыргыз Республикасынын Экономика жана коммерция министрлиги
Бишкекте Экинчи «В5+1» форумуна даярдык боюнча брифинг болуп өттү
<p>2025-жылдын 12-декабрында Бишкекте 2026-жылдын 4–5-февралында өтө турган Экинчи «В5+1» Форумун даярдоого арналган Атайын жана Ыйгарым укуктуу Элчилердин жана дипломатиялык корпустун өкүлдөрүнүн катышуусунда брифинг өткөрүлдү.</p><p>Белгиленгендей, Форум 2025-жылдын 6-ноябрында Вашингтондо Борбордук Азия өлкөлөрүнүн жана Америка Кошмо Штаттарынын башчыларынын катышуусунда өткөн «С5+1» саммитинде жетишилген макулдашууларды аткаруу максатында уюштурулуп жатат жана Борбордук Азия өлкөлөрү менен АКШнын ортосундагы экономикалык кызматташтыкты күчөтүүгө багытталган. Кыргыз Республикасынын Тышкы иштер министрлиги «В5+1» демилгесинин аймактык интеграцияны бекемдөө, инвестициялык жагымдуулукту жогорулатуу жана эл аралык өнөктөштөр менен кызматташтыкты кеңейтүүдө маанилүү курал болуп саналарын баса белгиледи.</p><p>Кыргыз Республикасынын Экономика жана коммерция министрлиги Экинчи «В5+1» Форумунун алкагында айыл чарба, электрондук коммерция жана IT, транспорт жана логистика, туризм, банк сектору жана критикалык минералдар сыяктуу негизги тармактык жана аймактык багыттарга өзгөчө көңүл буруларын белгиледи. Бул тематикалык блокторду кароо Борбордук Азия өлкөлөрү менен АКШнын ортосундагы экономикалык кызматташтыкты мындан ары кеңейтүү үчүн негиз түзөт.</p><p>Форумду борбор шаарда өткөрүү менен Кыргыз Республикасы мамлекеттик органдар менен жеке сектордун ортосундагы конструктивдүү өз ара аракеттенүүгө көмөктөшүүгө даярдыгын ырастайт. Экинчи «В5+1» Форуму Борбордук Азия өлкөлөрүнүн жана АКШнын өкмөттөрү менен бизнес-коомчулугу ортосундагы жаңы экономикалык артыкчылыктарды талкуулоо жана узак мөөнөттүү диалогду өнүктүрүү үчүн маанилүү аянтча болуп калат.</p>
12 дек.
Кыргыз Республикасынын Агартуу министрлиги
МИНИСТРЛИК ЖАҢЫЛАНГАН ЛИЦЕНЗИЯЛОО ТАЛАПТАРЫН ТААНЫШТЫРДЫ
<p><span>Бүгүн, 12-декабрда, жеке мектептердин жетекчилери үчүн семинар өтүп, анда билим берүү уюмдарын лицензиялоо багытындагы жаңыланган талаптар сунушталды.</span><br><br><span>Иш-чарага агартуу министринин орун басары Альберт Махметкулов, «Түндүк» ААКнын Санариптик билим берүү департаментинин директору Бектурган Бабаев жана Агартуу министрлигинин Аккредитациялоо жана лицензиялоо бөлүмүнүн башчысы Бактыгүл Акулова катышты.</span><br><br><span>Министрдин орун басары министрликтин жеке мектептер менен кызматташууга даяр экенин билдирип, алардын билим берүүнүн өнүгүшүнө кошкон салымын баса белгиледи.</span><br><br><span>Катышуучуларга нормативдик талаптардагы негизги өзгөртүүлөр, аккредитациянын тартиби жана лицензиялык шарттарды сактоо эрежелери түшүндүрүлдү. Ошондой эле өзүн-өзү баалоо боюнча отчеттун даярдалышы жана баалоо критерийлери боюнча маалымат берилди. Мындан тышкары, «Лицензиялоо» автоматташтырылган системасы тааныштырылып, анын жардамы менен жеке менчик мектептер онлайн арыз берип, лицензияны 20–30 күндүн ичинде ала болоору айтылды.</span><br><br><span>Маалымат үчүн: автоматташтырылган система “Өкмөттүк акселераторлор” программасынын алкагында иштелип чыккан.</span></p>
11 дек.
Кыргыз Республикасынын Маданият, маалымат жана жаштар саясаты министирлиги
УЛУТТУК КӨРКӨМ СҮРӨТ МУЗЕЙИНИН 90 ЖЫЛДЫК МААРАКЕСИ БЕЛГИЛЕНДИ
<p>11-декабрда Гапар Айтиев атындагы Кыргыз Улуттук Көркөм Сүрөт Музейи 90 жылдык мааракесин белгиледи. </p><p>Иш-чарага көркөм өнөр жана интеллигенция өкүлдөрү катышып, Маданият, маалымат жана жаштар саясаты министри Мирбек Мамбеталиев, Венгриянын Кыргыз Республикасындагы өзгөчө жана толук ыйгарым укуктуу элчиси Шандор Дороги, Кыргызстан Сүрөтчүлөр союзунун төрагасы Жакшыбек Жунушев, музейдин мурдагы директору Мира Жангарачева куттук сөз сүйлөштү. </p><p>Министр өз сөзүндө министрлик музейдин чыгармачылык потенциалын, илимий ишин жана коомчулук менен байланышын мындан ары да колдоого, жаңы технологиялар, санариптик архивдер, көргөзмөлөр аркылуу өнүктүрүүгө чоң маани берерин баса белгилеп, музейдин алтын фондунда кыргыз көркөм сүрөт искусствосунун классиктери Семён Чуйковдун, Гапар Айтиевдин, Сабырбек Акылбековдун, Лидия Ильинанын, Андрей Михалевдин, Ласло Месароштун, Тургунбай Садыковдун, Джумабай Үмөтөвдун, Теодер Герцендин чыгармалары бар экенине сыймыктанарын билдирди.</p><p>Расмий бөлүктөн соң келген коноктор Г. Айтиев атындагы КНМИИнин 90 жылдыгына атайын жазылган музыкалык композициялардын бет ачары, «Уя» колдонмо искусство көргөзмөсү (кураторлор: Аймира Эсеналиева жана Чолпон Осмоналиева-Демут), «Музеале-90» аттуу архивдик көргөзмөсү (кураторлор: Алима Токмергенова, Эмил кызы Мээрим), сүрөтчү Абай Насирдиндин жеке көргөзмөсү жана «Хан-Базар» кол өнөрчүлөр жарманкеси менен таанышышты. </p><p>Маалымат үчүн: Г. Айтиев атындагы Көркөм Сүрөт Музейи – Кыргызстандагы улуттук көркөм мурастын негизги сактоочусу жана искусствонун өнүгүшүнө салым кошуп келе жаткан алдыңкы маданий мекеме. 90 жыл аралыгында музей өлкөнүн көркөм искусствосунун тарыхын, жүздөгөн авторлордун эмгегин жана уникалдуу экспонаттарды муундан-муунга таанытып келет.</p>
03 дек.
Кыргыз Республикасынын Коргоо министрлиги
Кыргыз Республикасынын Куралдуу Күчтөрүндө өзүнчө-штабдык машыгуу өткөрүлдү
<p style="text-align: justify"><span>2025-жылдын 3-декабрында Кыргыз Республикасынын Куралдуу Күчтөрүнүн башкаруу органдарында өзүнчө-штабдык машыгуу өткөрүлдү.</span></p><p style="text-align: justify"><span> </span></p><p style="text-align: justify"><span>Машыгуунун максаты — Коргоо министрлигинин жана Куралдуу Күчтөрдүн Борбордук аппаратынын башкы башкармалыктарынын жана бөлүмдөрүнүн кызмат адамдарынын практикалык көндүмдөрүн өнүктүрүү, ошондой эле Түштүк-Батыш оперативдик командачылыгынын, Абадан кол салуудан коргоо күчтөрүнүн, Улуттук гвардиянын штабдарындагы башкаруу пункттарын жайгаштыруу жана алардын ишин уюштуруудагы милдеттерди үйрөнүү болуп эсептелет.</span></p><p style="text-align: justify"><span> </span></p><p style="text-align: justify"><span>Иш-чаранын жүрүшүндө башкаруу органдарынын жетекчилиги жана кызмат адамдары Куралдуу Күчтөрдүн башкаруу органдары менен бөлүктөрүн жогорку күжүрмөн даярдык абалына келтирүү, башкаруу пункттарын жайгаштыруу, кызматтык милдеттерди аткаруудагы көндүмдөрдү өркүндөтүү жана штаб ичиндеги биргелешкен аракеттерди координациялоо боюнча маселелерди иштеп чыгышты.</span></p><p style="text-align: justify"><span> </span></p><p style="text-align: justify"></p>
03 нояб.
Кыргыз Республикасынын Саламаттык сактоо министрлиги
Абдыкалыков Джалил Абдыкалыковичтин жаркын элесине
<p>Узак жылдар бою саламаттык сактоо тармагында үзүрлүү эмгектенип, элге өзгөчө кызмат кылган ардактуу дарыгер, Панфилов райондук жалпы дарыгерлер борборунун директору Абдыкалыков Джалил Абдыкалыкович 2025-жылдын 3-ноябрында 70 жаш курагында дүйнөдөн кайтты.</p><p>Джалил Абдыкалыков 1955-жылдын 2-июнунда Чүй облусунун Жайыл районуна караштуу Сары-Булак айылында туулган. 1979-жылы Кыргыз мамлекеттик медициналык институтун аяктап, эмгек жолун Республикалык клиникалык ооруканада баштаган.</p><p>1980-жылдан тартып Панфилов районунун саламаттык сактоо мекемелеринде ар түрдүү жооптуу кызматтарды аркалап, невропатолог, психиатр, поликлиника башчысы, башкы дарыгердин орун басары, ал эми акыркы 6 жылдан бери Панфилов райондук жалпы дарыгерлер борборунун директору болуп эмгектенген. </p><p>Кесибине берилген, жоопкерчиликтүү, боорукер жана тажрыйбалуу жетекчи катары ал кесиптештеринин арасында зор урмат-сыйга ээ болуп, эл саламаттыгын чыңдоого чоң салым кошкон. Ал эми 1995-жылдан бери Панфилов айылдык кеңешинин депутаты катары коомдук иштерге активдүү катышып келген.Талыкпаган эмгеги үчүн “Саламаттык сактоонун ардактуу кызматкери” төш белгиси менен сыйланган. </p><p>Джалил Абдыкалыковичтин жаркын элеси, өмүр жолу, эмгек жолундагы ийгиликтери жана саламаттыкты сактоо тармагын өнүктүрүүгө кошкон салымы анын жакындарынын жана кесиптештеринин жүрөгүндө түбөлүккө сакталат.</p><p>Кыргыз Республикасынын Саламаттык сактоо министрлигинин жамааты, Панфилов райондук мамлекеттик администрациясы Джалил Абдыкалыкович үй-бүлөсүнө, жакындарына, кесиптештерине жана жакын санаалаштарына терең кайгыруу менен көңүл айтат.</p>
29 окт.
Кыргыз Республикасынын Жаратылыш ресурстары, экология жана техникалык көзөмөл министрлиги
Жер казынасын пайдаланууга лицензия берүү тартиби
<p>Жер казынасын пайдаланууга лицензия берүү тартиби</p><p>Бүгүн “Геология бүгүн” рубрикасында 2021–2024-жылдары жер казынасын пайдалануу чөйрөсүндө негизинен мамлекеттик чарба жүргүзүүчү субъекттердин ролун күчөтүүгө багытталган реформалар тууралу айтып бермекчибиз.</p><p>Кыргыз Республикасында жер казынасын пайдаланууга укук берүү — бул кенге геологиялык изилдөө, чалгындоо жана казып алуу иштерин жүргүзүүгө расмий уруксат берүү процесси болуп эсептелет.</p><p>Бул укук «Жер казынасы жөнүндө» Кыргыз Республикасынын Мыйзамынын жоболоруна ылайык төмөнкү төрт негизги жол аркылуу берилет:</p><p>1. Конкурс өткөрүү жолу менен;</p><p>2. Аукцион өткөрүү жолу менен;</p><p>3. «Биринчи берилген өтүнмө» эрежесин колдонуу менен;</p><p>4. Кыргыз Республикасынын Министрлер Кабинетинин чечими аркылуу.</p><p>1. Конкурстук негизде лицензия берүү</p><p>• Конкурстар мамлекеттик маанидеги жер казынасынын тилкелери боюнча Министрлер Кабинетинин чечими менен өткөрүлөт.</p><p>• Конкурстук негизде берилүүчү тилкелер, адатта, ири жана стратегиялык мааниге ээ кендерге тиешелүү болот.</p><p>2. Аукцион аркылуу берүү</p><p>• Аукциондор тиешелүү реестрге киргизилген жер казынасынын тилкелери боюнча өткөрүлөт.</p><p>• Бул реестрди ыйгарым укуктуу мамлекеттик орган Министрлер Кабинети белгилеген критерийлерге ылайык түзөт жана бекитет.</p><p>• Эгер аукцион эки жолу өткөрүлбөй калса, анда ошол участок боюнча кеминде бир жылга танапис (убактылуу токтотуу) жарыяланат.</p><p>3. “Биринчи берилген өтүнмө” эрежесин колдонуу менен берүү</p><p>• Бул ыкма көбүнчө геологиялык изилдөө же чалгындоо стадиясындагы кендерге карата колдонулат.</p><p>• Эгер бир эле участок боюнча бир нече өтүнмө берилсе, анда артыкчылык биринчи болуп документтерди тапшырган өтүнмө ээсине берилет.</p><p>• Бул учурда талапкерлер тиешелүү документтерди жана финансылык-техникалык мүмкүнчүлүктөрүн тастыктаган маалыматтарды сунуштоого милдеттүү.</p><p>4. Кыргыз Республикасынын Министрлер Кабинетинин чечими аркылуу берүү</p><p>• Айрым учурларда, мамлекеттик кызыкчылыктарды эске алуу менен, жер казынасын пайдаланууга укук берүү маселеси түздөн-түз Министрлер Кабинетинин чечими аркылуу жөнгө салынат.</p><p>• Мындай ыкма, адатта, өзгөчө маанидеги же стратегиялык долбоорлорго карата колдонулат.</p>
11 апр.
Кыргыз Республикасынын Юстиция министирлиги
2025-жылдын 12-14-майында адвокаттык иш жүргүзүү укугуна лицензия алууга талапкер адамдар үчүн квалификациялык сынак өткөрүлөт
<p><span>2025-жылдын 12-майынан 14-майына чейин адвокаттык иш жүргүзүү укугуна экзамендер өткорүлүүдө. Кыргыз Республикасынын Юстиция министрлигинин алдындагы Адвокаттык иштин маселелери жөнүндө квалификациялык комиссиянын чечими менен 155 талапкерге экзаменге кирүүгө уруксаат берилген. </span></p> <p><span>Сынак саат Кыргыз Республикасынын Юстиция министрлигинин компьютердик классында (Бишкек шаары, Жаш Гвардия бульвары, 32, 1-кабат, 122-кабинет) өткөрүлүп жатат.</span></p> <p><span>Сынак 110 суроодон турган компьютердик тестирлөө түрүндө өткөрүлөт. Суроолордун 70 жана андан ашык пайызына туура жооп берген адам квалификациялык экзаменди ийгиликтүү тапшырды деп эсептелет.</span></p> <p><span>Квалификациялык экзаменди ийгиликтүү тапшырган адамдарга квалификациялык комиссия чечим кабыл алган күндөн тартып бир айдын ичинде адвокаттык иш жүргүзүү укугуна лицензия берилет.</span></p> <p><span>Квалификациялык экзамендин графиги менен <a href="https://docs.google.com/document/d/1V1HG8-sEaQcys_o_z24ypn0U7wikm7Dd/edit?usp=sharing&ouid=103456737407376591611&rtpof=true&sd=true"><strong><u>бул</u></strong> </a>жерден таанышууга болот.</span></p>
